निगार जौहर : पाकिस्तानची पहिली लेफ्टिनेंट जनरल

Jul 16, 2020
सध्या शेजारी राष्ट्र पाकिस्तान कोरोना रोगराई व त्यातून उद्भवणाऱ्या संकटाशी दोन हात करत आहे. आरोग्य सुविधेच्या कमतरतेमुळे देशात आरोप-प्रत्यारोपाच्या फैऱ्या सुरू आहेत. विरोधी पक्षापासून सामान्य जनता सरकारला दोषी ठरवत आहे. या दोषारोपणात एका चांगल्या बातमीने सर्वच स्तरातील मंडळी आनंदी झाल्याचं दिसून आलं.
सैन्य दलात लेफ्टिनेंट जनरलपदी निगार जौहर यांची निवड झाली अन् एकाएकी चैतन्याचं वातावरण पाकिस्तानात पहायला मिळालं. निवडीनंतर काढण्यात आलेल्या रॅलीत त्यांच्यावर फुलांचा वर्षाव करण्यात आला. या रॅलीत लष्करी अधिकाऱ्यासमवेत सामान्य नागरिकांची संख्याही लक्षणीय होती. एका उच्चपदावर एक महिलेची निवड होणे आश्चर्यकारक घटना असल्याचं मत पाकिस्तानी मीडिया व्यक्त करत आहे. मेनस्ट्रीम व सोशल मीडियात अजूनही यावर चर्चा सुरू आहे.
वाचा : लेडी पोलीस फैजा नवाजने वकिलाला घातल्या बेड्या
वाचा : सुहाई अजीज : पाकची सुपरकॉप लेडी
निगार जौहर लष्करी सेवेत मेडिकल डॉक्टर आहेत. ब्रिगेडियर असलेल्या निगार आता लेफ्टिनेंट जनरल झाल्या आहेत. या प्रमोशनने त्यांना थ्री स्टार रँकच्या पहिल्या महिला अधिकारी म्हणून बहुमान मिळवून दिला आहे. याशिवाय त्यांना अजून एका पदावर म्हणजे सैन्य दलातील पहिल्या महिला सर्जन जनरल म्हणून नियुक्ती देण्यात आली आहे. एकाच वेळी दोन महत्त्वाच्या आणि मोठ्या जबाबदाऱ्या त्यांना देण्यात आल्या आहेत.
सर्वप्रथम लष्कराच्या आधिकारिक ट्विटर हँडलवरून हे वृत्त देण्यात आलं. या ट्विटवर अजूनही चर्चा सुरू आहे. लाखों लोकांनी शुभेच्छा देत सकारात्मक प्रतिक्रिया व्यक्त केल्या आहेत. या निवडीचा आनंद साजरा करणाऱ्यामध्ये तरुण मुलींची संख्या अधिक आहे.
निगार लष्करात सेवा देणाऱ्या आपल्या तिसऱ्या पिढीचं नेतृत्व करतात. त्यांचे वडिल व काका याच सेवेतून निवृत्त झाले आहेत. शिवाय त्यांचे पतीदेखील लष्करी सेवेत आहेत. बीबीसी उर्दूच्या मते 50 वर्षीय निगार यांचा जन्म खैबर पख्तूनख्वामधील स्वाबी जिल्ह्यातील पांजपीर गावातला.
रावळपिंडीमधील एका कॉन्वेंट गर्ल्स हायस्कूलमधून त्यांचं शिक्षण झालं. त्यानंतर 1985 साली त्यांनी आर्मी मेडिकल कॉलेजमधून डिग्री मिळवली. शिक्षण पूर्ण झाल्यानंतर याच कॉलेजमध्ये त्यांनी मेडिकल सेवा बजावली. नोकरी करत असताना त्यांनी वेगवेगळ्या पदव्या संपादित केल्या. त्यात सशस्त्र दलात पोस्ट ग्रेजुएट, एडवांस मेडिकल एडमिनिस्ट्रेशनमध्ये डिप्लोमा तसेच मास्टर ऑफ पब्लिक हेल्थमधील डिग्रीचा समावेश आहे. शिवाय अजूनही काही कोर्स त्यांनी केलेले आहेत.
वाचा : सुदानी राज्यक्रांतीची नायिका
वाचा : रशियन कॉन्स्टिट्यूशन गर्ल 
सध्याचे आर्मी प्रमुख क़मर जावेद बाजवा रावळपिंडीच्या कोअर कमांडर असताना निगार त्यावेळी सीएमएच झेलमच्या कमांडिंग ऑफिसर होत्या. बीबीसीच्या मते हे पद मोठं आणि महत्त्वाचं मानलं जातं. त्या सीएमएच संस्थेच्या डिप्टी कमांडेंटसुद्धा राहिलेल्या आहेत. तसेच आर्मी मेडिकल कॉलेजच्या त्या वाइस प्रिंसिपॉलदेखील होत्या. मिलट्री हॉस्पिटलच्या उच्चपदाची जबाबदारीदेखील त्यांनी सांभाळळी आहे.
2017 साली त्यांनी मेजर जनरल पदी प्रोमोट करण्यात आलं होतं. त्यावेळी पाकिस्तानी लष्करात मेजर जनरलपदी असणाऱ्या त्या तिसऱ्या महिला होत्या. यापूर्वी डॉ. शाहिदा मलिक आणि डॉ. शाहिदा बादशाह या महिला या अधिकारी या पदावर विराजमान होत्या.
बीबीसीच्या मते एका सार्वजनिक कार्यक्रमात निगार यांनी या दोन महिला अधिकाऱ्यांच्या कर्तृत्वाबद्दल गौरवाचे उद्गार काढले होते. त्यावेळी त्या ब्रिगेडियर होत्या. आता त्यांच्यापेक्षा वरच्या पदावर निगार यांना बढ़ती मिळाली आहे.  
विविध पदावर जबाबदाऱ्या सांभाळणाऱ्या निगार जौहर यांना ‘मूव्हर’ म्हटलं जातं. याचा अर्थ कधीही न थांबणाऱ्या असा होतो. या बढ़तीवर बीबीसी उर्दूने त्य़ांच्या एका कलीगची प्रतिक्रिया दिली आहे, त्यांच्या मते निगार ज्यावेळी कुठल्या कार्यालयात असतात त्यावेळी त्या एकाच वेळी चार पुरुषाएवढं काम करतात.
दि न्यूजच्या मते त्या अत्यंत प्रामाणिकपणे व चोखपणे रकाम बजावणाऱ्या महिला अधिकारी म्हणून त्यांची ओळख आहे. दि न्यूजने त्यांच्यावर विशेष स्टोरी प्रकाशित करत विविध प्रतिक्रिया छापल्या आहेत. सोशल मीडियावर निगार जौहर यांच्यावर शुभेच्छांचा वर्षाव करत मुलींनी त्यांच्यासारखे पद मिळवण्याची इच्छाशक्ती व्यक्त केली आहे.
पाकिस्तानच्या प्रतिष्ठित दैनिक डॉनने या निवडीला एक ऐतिहासिक पाऊल म्हटलं आहे. बीबीसीच्या उर्दू सेवेने त्यांच्यावर स्पेशल स्टोरी केली असून त्यात निगार यांच्या दुर्दम्य आशावादाची विस्ताराने चर्चा केली आहे.
दैनिक डॉनच्या मते निगार तज्ज्ञ डॉक्टर आहेत. शिवाय त्या उत्तम निशानेबाज आहेत. लेफ्टिनेंट जनरल म्हणून त्या पाकिस्तान आर्मीच्या मेडिकल कोरमध्ये पोस्टेड आहेत. त्या दक्षिण आशियाच्या अशा सर्वात मोठ्या आर्मी हॉस्पिटलची जबाबदारी सांभाळत आहेत तिथे दररोज 700 पेक्षा अधिक पेशंटला आरोग्य सुविधा पुरवली जाते.

वाचा : इस्रोच्या दोन रॉकेट विमेन

वाचा : सोमालियाची पॅशनेट नलायाह 
निगार यांच्या निवडीवर विविध सामाजिक संघटना, कार्यकर्ते व राजकीय नेत्यांच्या प्रतिक्रिया आल्या आहेत. या निवडीमुळे पाकिस्तानातील मुलींना सकारात्मक उर्जा मिळेल अशी आशा पंजाबचे माजी मुख्यमंत्री शाहबाज शरीफ यांनी व्यक्त केली आहे. पीएमएल-एनचे अहसान इकबाल यांनी या कामगिरीला ‘पाकिस्तानी महिलांसाठी झेप’ म्हटलं आहे. निगार यांच्या निवडीवरील फेसबुकवरील चर्चा संमीश्र स्वरूपाची आहे.
दखलनीय बाब अशी की मार्च महिन्यात महिला दिनी पाकिस्तानात भव्य ‘औरत मार्च’ काढण्यात आला होता. त्यात मध्यमवर्गीय कुटुंबातील अनेक महिला रस्त्यावर येऊन मूलभूत अधिकारांची मागणी करत होत्या. त्यात मुक्त वातावरणात काम करणे, शिक्षणाला बंदी नसणे, मुक्त विहार करता यावा, अशा मागण्या प्रमुख होत्या.
महिलांच्या या रॅलीवर पुरुषांनी दगडफेक केली होती. अनेक ठिकाणी आंदोलक महिलांना मारहाणही करण्यात आली. मोर्चादरम्यान पुरुषांनी रस्त्यावर उभे राहून महिलांकडे बघून अभद्र वर्तनही करण्यात आलं. रिपोर्टिंग करणाऱ्या मुलींवर दगडफेक करण्यात आली. त्यांचे कॅमेरे तोडण्यात आले. महिलावर अनैतिक व्यवहाराची शेरेबाजी करण्यात आली. मीडियाच्या चर्चेतूनही सहभागी पॅनलिस्ट महिलांविरोधात जाहिररित्या अभद्र भाषेचा वापर करत होते. थोडक्यात महिलांना मुक्त वातावरण देण्यात मज्जाव करण्यात आला होता.
वाचा : सबीन महमूदची हत्या म्हणजे अस्थिर पाकिस्तान
वाचा : हिजाबधारी एथलिट : मुस्लिम महिलांचं बदलतं वास्तव
मीडिया रिपोर्ट सांगताता की, गेल्या काही वर्षात इथे महिलांविरोधात लक्ष्यकेंद्री हल्ले वाढल्याचं दिसून येते. महिलाविरोदात होत असलेल्या लैंगिक हल्ल्यांचा निषेध करणारी मोठ-मोठी आंदोलन अनेक वेळा झाली आहेत. परंतु परिस्थिती मात्र अजूनही बदलली नाही. अशा घुसमटणाऱ्या वातावरणात महिला घरात न बसता अधिक जोमाने सक्रीय झालेल्या दिसतात. अशा दपडशाहीच्या वातावरणातही पाकिस्तानी महिला अधिक प्रखरतेने पुढे आल्या आहेत, ही केवळ सकारात्मक उर्जाच नव्हे तर रोखणाऱ्यांना खुले आव्हान आहे, असे म्हणता येईल.

Twitter@Kalimajeem
(सदरील लेख 16 जुलै 2020च्या लोकमत ऑक्सिजनमध्ये प्रकाशित झालेला आहे)

Labels:

SHARE:

Twitter Facebook Google Pinterest

वाचनीय
Name

अनुवाद,10,इतिहास,58,इस्लाम,45,किताब,27,जगभर,132,पत्रव्यवहार,4,राजनीति,322,व्यक्ती,36,संकलन,65,समाज,278,साहित्य,82,सिनेमा,22,हिंदी,55,
ltr
item
नजरिया: निगार जौहर : पाकिस्तानची पहिली लेफ्टिनेंट जनरल
निगार जौहर : पाकिस्तानची पहिली लेफ्टिनेंट जनरल
https://blogger.googleusercontent.com/img/b/R29vZ2xl/AVvXsEjDsQhJ-lNaQFTkf2AcjJdTH0hOGM0XmD-SylnuMiFuH5-OMvw1w5EUWK6Q2WUdV7xP7Vd3KQ6QNCDLu3-D7jmqhtxZQrQ9TMA8Z9RiNcF9-zR-iM2guG_wARXri7NQ3fObybK142LuFxzq/s640/nigar+jauhar.jpg
https://blogger.googleusercontent.com/img/b/R29vZ2xl/AVvXsEjDsQhJ-lNaQFTkf2AcjJdTH0hOGM0XmD-SylnuMiFuH5-OMvw1w5EUWK6Q2WUdV7xP7Vd3KQ6QNCDLu3-D7jmqhtxZQrQ9TMA8Z9RiNcF9-zR-iM2guG_wARXri7NQ3fObybK142LuFxzq/s72-c/nigar+jauhar.jpg
नजरिया
https://kalimajeem.blogspot.com/2020/07/blog-post_16.html
https://kalimajeem.blogspot.com/
https://kalimajeem.blogspot.com/
https://kalimajeem.blogspot.com/2020/07/blog-post_16.html
true
3890844573815864529
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy Table of Content