विचार करा, एखादा सैनिक युद्ध मैदानावर शत्रुंवर बुलेट्सची फायर करता-करता थेट हवेत उडून ‘दुश्मनों पर’ थेटच ठों... ठो.. निशाना साधून त्यांना टिपेल तर..!
होय, हे स्वप्न नाही तर वास्तवात शक्य होणार आहे.
फ्रान्स सरकारने नुकतेच अशा एअर सोल्जरचं शक्ती प्रदर्शन केलं आहे. १४ जुलैला हा ‘बॅस्टिल डे’ सोहळा पॅरिसमध्ये घेतला गेला. यात फ्रान्सकडून आधुनिक तंत्रज्ञानावर आधारित युद्धकलेचं प्रदर्शन भरवण्यात आलं होतं. कार्यक्रमात फ्रान्सिस सैन्यातील एक युद्धवीर जमिनीवरून विमानासारखा उडून चक्क हवेत घिरट्या घालताना दिसला. हा युद्धवीर जेट-पावर्ड फ्लाइबोर्डवर स्वार होऊन चक्क कार्यक्रम बघायला आलेल्या दर्शकांच्या डोक्यावर येऊन हवेत घिरट्या घालत होता. हा सोल्जर फ्रान्सच्या ‘रेड टीम’चा भाग आहे. भविष्यातील युद्धाच्या शक्यता लक्षात घेऊन फ्रान्सने हे तंत्रज्ञान विकसित केलेलं आहे.
डिफेंस इनोवेशन एजेंसी (डीआयए)च्या एका रिपोर्टमधून या संशोधनाविषयीची नेमकी माहिती पुढे आली आहे. युद्ध धोरण ठरविण्यासाठी फ्रान्सने ४ ‘सायन्स फिक्शन रायटर्स’ (कथाकार) नियुक्त केली आहेत. ही लखक मंडळी कल्पनांच्या आधारे भविष्यातील युद्धनितीचा अभ्यास करणार आहेत. हे लोकं अशा व्यूहनितीची रूपरेखा तयार करणार आहेत, ज्याची कधी आर्मी किंवा संरक्षण तज्ज्ञांनीदेखील कल्पना केली नसेल. अर्थात ही रेड टीम भविष्यातील युद्धनितीचा अभ्यास करून त्याला पुरक अशी युद्ध साधने तयार करण्याचं काम करणार आहेत.
युद्धाच्या पारंपरिक पद्धतीच्या पलीकडे जाऊन हे लेखक मंडळी कल्पनांवर आधारित क्रिएटिव्ह युद्धनीतीचा विचार करणार आहेत. एका फ्रान्सीसी वेबसाइटच्या मते, चैनल-4च्या ब्लैक मिररमध्ये शोधल्या गेलेल्या काल्पनिक टेक्नोलॉजीपेक्षाही बरेच पुढे जाऊन हे लेखक युद्धनीतीचा विचार करतील. त्यासाठी हे लेखक विज्ञानातील अनेक आभासी कथांची मदत घेणार आहेत. दि टेलिग्राफच्या मते ही रेड टीम अशी एडवांस टेक्नोलॉजी विकसित करत आहे जी, दहशतवादी हल्ले किंवा हल्लेखोरांना रोखण्यासाठी उपयुक्त ठरेल.
याच प्रयोगातील एक नमुना म्हणून हवेत उडणारा सोल्जरचे प्रदर्शन फ्रान्सकडून करण्यात आलं होतं. हवेत उडणाऱ्या या सैनिकाला बघून कार्यक्रमस्थळी उपस्थित असलेले दर्शक अवाक् झाले. हा सोल्जर सलग १० मिनिटे एका जागेवर स्थिर राहू शकेल. तसेच ताशी ११५ मैल गतीने तो हवेत प्रवास करू शकेल. राष्ट्रपती इमेन्युअल मॅक्रॉन यांनी हा व्हिडिओ त्यांच्या ट्विटर अकाऊंटवर पोस्ट केलाय. याबद्दल प्रतिक्रिया देताना त्यांनी लिहिलंय, "माझे सैन्य, आधुनिक व प्रगत तंत्रज्ञानावर मला अभिमान आहे."
बॅस्टिल डे मध्ये 'नेरोड एफ5' माइक्रोवेव जैमरचंदेखील प्रदर्शन करण्यात आलं. हे हत्यार रायफलच्या आकाराचा असून तो हवेत उडणाऱ्या ड्रोनलादेखील शूट करू शकेल. हे रायफल पायलटच्या सिग्नलला ब्लॉक करण्याचं काम करू शकेल.
प्रगत तंत्रज्ञानाच्या दुसऱ्या टप्प्यात फ्रान्स असे ड्रोन वापरणार आहे जे सॉफ्टवेअरच्या मदतीने सेटेलाइटला निष्क्रिय करतील.
फिक्शन रायटरला युद्धासाठी वापरण्याची ही कदाचित पहिलीच वेळ असावी. साहजिकच फ्रान्सची ही रेड टीम मानवी कल्याणासाठी नव्हे तर त्यांच्या विनाशासाठी कार्यरत असणार आहे.
जगात विविध कामांसाठी दिवसेंदिवस एडवांस टेक्नॉलॉजीचा वापर केला जात आहे. युद्धासाठी देखील आधुनिक तंत्रज्ञानावर आधारित शस्त्रे तयार करण्याची स्पर्धा जगभरात लागलेली आहे. याच दृष्टिकोनातून भविष्यात युद्ध कशा पद्धतीने लढले जाईल, याची कल्पना करून फ्रान्सने पावले उचलली आहेत.
अमेरिकेने अलीकडे काही मानवरहित विमानांचा वापर करून हल्ले घडविले आहेत. भारतानेदेखील पाकिस्तानवर एअर स्ट्राइक करून या स्पर्धेत बाजी मारली होती. युद्धात रोबोटचा वापर करण्याची कल्पना देखील पुढे आलेली आहे.
मनुष्यहानी टाळण्यासाठी युद्धात यंत्राचा वापर केला जात आहे, हे खरं असलं तरी, ही शस्त्रे व यंत्रे मानवाच्या विनाशासाठी वापरली जात आहे, हे देखील नाकारता येत नाही. तंत्रज्ञानाचा शोध मानवाच्या गरजा भागवणे व त्याचे जगणे सुकर करण्यासाठी झालेला आहे. पण अलीकडे सत्तेच्या वर्चस्व वादामुळे राष्ट्र राष्ट्रात वाद पेटले आहेत. शुल्लक वादाचे रूपांतर युद्धामध्ये होत आहे. युद्धातून उद्ध्वस्तीकरण व मनुष्यहानीशिवाय दुसरे काही घडत नाही. त्यामुळे टेक्नोलॉजीचा वापर मानवी हिताच्या दृष्टीने केला तर ते अधिक फायद्याचं ठरेल.
कलीम अजीम
(सदरील लेख लोकमतच्या १ ऑगस्ट २०१९च्या अंकात प्रकाशित झालेला आहे)
Labels:
जगभरSHARE:
ट्रेडिंग$type=blogging$m=0$cate=0$sn=0$rm=0$c=4$va=0
-
जर्मनीच्या अॅडाल्फ हिटलरच्या मृत्युनंतर जगभरात फॅसिस्ट प्रवृत्ती मोठया प्रमाणात फोफावल्या. ठिकठिकाणी या शक्तींनी लोकशाही व्यवस्थेला हादरे द... -
“जो तीराव फुले और सावित्रीमाई फुले के साथ काम फातिमा कर चुकी हैं। जब जोतीराव को पत्नी सावित्री के साथ उनके पिताजी ने घर से निकाला तब फातिमा ...
-
उस्मानाबाद येथे ९३वे अखिल भारतीय मराठी साहित्य संमेलन पार पडत आहे. या संमेलनाचे अध्यक्ष फादर फ्रान्सिस दिब्रिटो आहेत. तर उद्घाटन म्हणून रान... -
अ खेर ४० वर्षानंतर इराणमधील फुटबॉल स्टेडिअमवरील महिला प्रवेशबंदी उठवली गेली. इराणी महिलांनी खेळ मैदानात प्रवेश करून इतिहास रचला. विविध वे... -
मध्यपूर्वेतील इस्लामिक राष्ट्रात गेल्या 10 वर्षांपासून लोकशाही राज्यासाठी सत्तासंघर्ष सुरू आहे. सत्तापालट व पुन्हा हुकूमशहाकडून सत्... -
फिल्मी लेखन की दुनिया में साहिर लुधियानवी और सलीम-जावेद के उभरने के पहले कथाकार, संवाद-लेखक और गीतकारों को आमतौर पर मुंशीजी के नाम से संबोधि... -
इ थियोपियाचे पंतप्रधान अबी अहमद यांना शांततेसाठी ‘नोबेल सन्मान’ जाहीर झाला आहे. शेजारी राष्ट्र इरिट्रियासोबत शत्रुत्व संपवून मैत्रीपर्व सुरू...
/fa-fire/ पॉप्युलर$type=one
-
को णत्याही देशाच्या इतिहासलेखनास प्रत्यक्षाप्रत्यक्ष रीतीने उपयोगी पडणाऱ्या साधनांना इतिहाससाधने म्हणतात. या साधनांचे वर्गीकर... -
“जो तीराव फुले और सावित्रीमाई फुले के साथ काम फातिमा कर चुकी हैं। जब जोतीराव को पत्नी सावित्री के साथ उनके पिताजी ने घर से निकाला तब फातिमा ...
-
इ थे माणूस नाही तर जात जन्माला येत असते . इथे जातीत जन्माला आलेला माणूस जातीतच जगत असतो . तो आपल्या जातीचीच बंधने पाळत... -
2018 साली ‘ युनिसेफ ’ व ‘ चरखा ’ संस्थेने बाल संगोपन या विषयावर रिपोर्ताजसाठी अभ्यासवृत्ती जाहीर केली होती. या योजनेत त्यांनी माझ... -
घड्याळाच्या काट्यावर चालणाऱ्या अजस्त्र पण सुस्त मुंबईत काही घटना , घडामोडी घडताहेत. खरं म्हणजे मुंबईची घडी-मोड होत आहे. उदाहरणार्थ , ...
अपनी बात
- कलीम अजीम
- कहने को बहुत हैं, इसलिए बेजुबान नही रह रह सकता. लिखता हूँ क्योंकि वह मेरे अस्तित्व का सवाल बना हैं. अपनी बात मैं खुद नही रखुंगा तो कौन रखेगा? मायग्रेशन और युवाओ के सवाल मुझे अंदर से कचोटते हैं, इसलिए उन्हें बेजुबान होने से रोकता हूँ. मुस्लिमों कि समस्या मेरे मुझे अपना आईना लगती हैं, जिसे मैं रोज टुकडे बनते देखता हूँ. Contact : kalimazim2@gmail.com