लैंगिक 'अ'शिक्षण

राजन खान चे पिढी हे पुस्तकातील पौगंड ताकद या पहिल्याच प्रकरणावर विभागातात बसून चर्चा करत होतो. क्षणात याच विषयावर बी पी लागल्याचा साक्षात्कार झाला . क्षणाचा ही विलंब न करता पुण्यातील ऐतिहासिक प्रभात टाकीज कडे आम्ही निघालो बी. पी. ची पहिली फ्रेम पाहताच मन भुतकाळात गेलं . वेळ नसल्यामुळे भूतकाळ सोडून परं वर्तमानात प्रभात सीटवर आलो . चित्रपट पाहून बाहेर पदाताच एका निवांत क्षणी भूतकाळात गेलो .

अंबाजोगाईतील रविवार पेठ मधील जि. प. च्या प्राथमिक शाळेत सातवीच्या वर्गात ला प्रसंग आठवला. तो माझा माल आहे. ते माझे फ़नटर आहे., तू माझा आयट्म आहे. असे सहकारी मित्र मुलींकडे बोट दाखवून म्हणायचे. मला प्रश्न पडायचे. माल, फ़नटर, आयटम म्हणजे नेमके काय? तेही मुलींना म्हणतात यात काय रहस्य असावे, याचे प्रश्न मला त्याकाळी पडायचे . कधी कधी कुतूहल व्हायचं , लाईन मारणं म्हणजे नेमकं काय ? या प्रश्नाचे उत्तर मला अकरावी - बारावी असताना ' पूर्णपणे ' मिळाले. मला हे सर्व सांगणारा विशू खूप उशीरा भेटला . हि माझ्या पिढीची शोकांतिका होती का. का या गो ष्टी मला आई- वडिलाकडून माहिती नाही झाल्या.

बी. पी चित्रपटाच्या माध्यमातून परत एकदा लैंगिक शिक्षणाचा मुद्दा परत एकदा चर्चिला जातो आहे आई- वडील आपल्या पाल्यांना टि. व्ही., मोबाईल, इंटरनेट सारख्या विशूकडे हि जबाबदारी सोपवतात. या विशूकडून मुलं चुकीचं शिक्षण आत्मसात करतात व दिशाभुल होतात, त्याना मोठा प्रश्न पडतो, पुढे काय? का खरच पुढे असतं पुढे असते खोल दरी ज्यात पाय घसरून पडण्याची भीती असते. पुढे असतो काळोख,ज्यात स्वत:ला हरवून बसण्याचं भय असतं .

का स्वत: हून आपण आपल्या पाल्याला अशा खोल गर्तेत उतरू देणार आता तरी सावरा ! मोकळेपणाने बोल . पाल्यांना मित्र बनवा पौगंडावस्थेतील प्रत्येक पडणारया प्रश्नांचे उत्तरे द्या . संकोच सोडा व वेळीच न जन्मणार्या विकृतीला पायबंद घाला .

संकृती जतन , मान सन्मान ,आदर हेच संस्कार नसतात लैंगिक शिक्षण हा देखील संस्कार करा. व आपले अपत्य विकृताला बळी पडू नये याची काळजी घ्या .

कलिम अजीम

पुणे